تخيل انك رئيس

موضوع: تخيل انك رئيس السبت 23 مايو 2009, 9:36 pm

احلم
يا عم انت حتدفع حاجة من جيبك
الحلم ده على حسابى
غمض عينيك شوية واحلم انك بقيت رئيس البلاد

متقولش ازاى .. مش مهم
زورت الانتخابات ... او قلت للناس انتخبونى احسن ارمى نفسى من فوق البرج فصعبت عليهم قاموا انتخبوك .. او يكون لك واحد صاحبك امريكاوى بتكلمه على الياهوو وقال لبوش انك ولد مجدع ورجولة وكفاءة وانك من بتوع العولمة والعوالم والنظام العالمى الجديد لنج .. ومش من اللى بيصلوا الفجر جماعة ... فوافق بوش انك تقعد على ... الكرسى

المهم انك بقيت دلوقتى رئيس البلاد
مين قدك يا عم

حتاكل طعمية مقلية بزيت فرنساوى وربنا حيتوب عليك من طعمية عم حمدى سنقر المقلية بزيت العربيات

وحتتعالج من انيميا الفول .. الفول الجديد بقه يا عم من غير سوس

وابقى قابلنى لو لقيت اى مسمار فى العيش ... حتاكل عيش من ابو الرغيف بربع جنيه ... سخن وطازة وطرى .. تخيل .. طرى مش زى العيش اللى انت كنت بتاكله وانت بتشرب كباية ميه ورا كل لقمة علشان تنزل

لا لا العيش ابو شلن ده اللى انت كنت بتجيبه من الفرن وعقبال متوصل بيه البيت يسلجم ويقفع ... وتعاقب عليه دوليا لأنه اصبح من اسلحة الدمار الشامل ... لا انسى الكلام ده خالص
الاوضاع حتتغير خالص ياعم ... دا انت ربنا حيكرمك خالص والله العظيم

طب بص دى ... حتاكل لحمة... طب والله لحمة .. متبرقش اوى كدة ... مش عارف يعنى ايه لحمة
(هم هيقولولك )

وبعدين انته مش كنت بتسمع وانت قاعد على القهوة وحاطط رجل على رجل وصباعك طالع من الجزمة انهم حيستوردوا حاجة كدة من السودان واثيوبيا
آه فاكر
اهى هى دى اللحمة
لا لا مش اللى انته كنت بتاكلها فى العيد ، بتاعت العيد دى اسمها كرشة ... متفضحناش بقه الله يسترك

وحيبقى فيه كنتاكى .. متسألش .. دى فراخ يعنى حتودع عم لطفى الفرارجى اللى كان بيعين لك رجلين الفراخ وانت كنت بتقول له عشان الكلب وكان ساعات يفوت لك حتتين قنصة على حتتين كبدة من بتوع الزباين اللى بيستحموا بصابون اجنبى

وحتشرب السيجارة كلها مرة واحدة .. يعنى مفيش تخميس
وبعدين دى سجاير ستراكى سترايك من بتاعت الست مارى منيب .. جو تانى

بس لما يخدوك علشان تحلف اليمين
ياعم دا غير يمين الطلاق اللى انته مصدره فى كل حدوتة تحكيها

اصحى معايا الله يكرمك

لما تروح تحلف اليمين اوعى تروح بالبدلة بتاعت جوازك .. انته عارف ... دى بقت مكيفة الهواء من كل ناحية .. العربى جوز ام بطة عنده بدلة اخوه باعتهالو من بلاد بره ابقى استلفها منه وإقضى مصلحتك وبعدين رجعهاله ... ماهى الجيران لبعضها امال ايه

موضوع: رد: تخيل انك رئيس الأحد 24 مايو 2009, 4:19 am

هههههههههههههههههههههههههههههههههههههه
والله نكتك حلوه أوى
بس خلى بالك
لو حصل حاجه
أنا متبريه من المنتدى ده

موضوع: رد: تخيل انك رئيس الأحد 24 مايو 2009, 7:07 am

يالاهوووووووووووووووووووووووووووووووووووووووووووووووووي
ياخرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااابي
ياخسارة شبابي اللي هايروح هدر ياوزير الإتصالاااااااااااااااااااااااااااااات بسببك
أنا رايح في داهيــــــــــــــــــــــــة ... رايح في داهيــــــــــــــــــــــــــــــــــة حسبي الله ونعم الوكييييييييييييييل
ياوزيـــــــــــــــــــــــــــــــــــــــــــــــــر الإتصــــــــــــــــــــــــــــــــالات

وشكراً لكي يا أختي الغالية يـــــــــــا أختي الغاليـــــــة nohaemad450 كداهو تبيعيني أنا والمنتدي في لحظة
روحي ياشيخة منك لله

إهئ .. إهئ .. إهئ .. إهييييييييييييييييييييييييييييييييييييئ

موضوع: رد: تخيل انك رئيس الأحد 24 مايو 2009, 11:58 am

ياساتر على النداله
كده بتبيعونى فى ثانيه
والحاج عمر يقولى اكتب اكتب ولا يهمك
دا انا شكلى اللى هشيل الليله
وهكمل بقيت حياتى فى ابو زعبل

موضوع: رد: تخيل انك رئيس الأحد 24 مايو 2009, 12:43 pm

لاااااااااااااااااااااااا ولايهمك ياوزير الإتصالات
ضربوا الأعور علي عينه قال خسرانة ..... خسرانة
هي موتة واللا إتنين ؟ إكتب اللي إنت عاوزه ياوزير
وأنا روحي فـــــــــــــــــــــــــــــــــــــــــــــداك
كلنا إيد واحدة يابهجت .. كلنا بنكمل بعــــــــــــــض

لا والله ولا يهمكوا اكتبو وانا فداكم جميعا روحى فدا المنتدى والمدير العام للمنتدى وكمان اعضاء المنتدى واتحمل انا اى نتيجه حتى لوكان سجن القناطر

والله احنا رجاله وعند كلمتنا

شكراً ياروءة علي شعورك الطيب
ولكن كلمة في ودنك " العمر مش بعزقة "
أنا عارف إنكم رجالة وهاتشيلوني وقت الزنقة
ربنا يخليكوا ومايحرمنيش منكم
يافدائيات المنتـــــــــــــــــــــــدي

» تخيل لو ......؟؟!!
» صور لمواقف غريبة تخيل نفسك تعيشها !!!
» حادثة شغلت الراي العام (رايا وسكينة)
» رئيس الجهاز المركزي للتعبئة العامة والإحصاء :
» رئيس جامعة الأزهر: النقاب مباح..والحجاب فريضة