وكانوايقولو"مصر"الشمس تطلع وتعلا رقابنا فوق..وعيوننا تلمع.. وكنا نشيل قلوبنا فوق كفوفنا..
ويصدّرونا نواجه أى مدفع فمين ساعدنا ع الوضع المهين..؟انا المصرى كريم العنصرين،،،
وكنت اصرخ أطفى النار بصوتى.. ويحيى أمتى فى الشدّه موتى .. فمين اللى كتب عارى ف جبينى؟
ومين اللى سرق شعلة سكوتى؟ وانا اللى غنايا صحّى العالمين.. أنا المصرى كريم العنصرين،،،
بنيتها مـ الهرم للسد يدّى..بنتها كلها فـ لحظه تحدّى وكنت زعيم نبيل ما بين جيفارا.. وتيتو وكاسترو..ونهرو وغاندى..ومش محتاج أقول انا كنت مين؟؟ انا المصرى كريم العنصرين،،،
وتانى يا مصري عاد مين يخونك.. وتتهان فى السودان عينى عينك.. ولا الدين مكتفى من مص دمك.. ولا عارف ديونهم من ديونك... وجيت للحق؟؟ كله سلف ودين... أنا المصرى كريم العنصرين،،،
وده يسلم لده والعصر فاجر..وهمج البربر بيتآمر علينا...ويضحكوا عـ السودان.. وبتدارى الخناجر.. وكنت النجده واستنجد بمين؟؟؟ انا المصرى كريم العنصرين،،،
انا متباع ...ماهيش عادتك يا وطنى... عدو..لعدو .. مين ماقبضش تمنى.. صبى البقال يتاجر فى الضماير..
واحلا عمرى ضاع مستنى زمنى.. بقينا بصمتنا الموت متكتفين.. انا المصرى كريم العنصرين،،،
كأنّ الوحل..شد الرجل منى..انوح ابكى وانا قاصد اغنى..وواقفين ع الشطوط بايادى سودا...
محال هيغرقونى غصب عنى ..ولو نصبوا فى قلبى ميت كمين ..انا المصرى كريم العنصرين،،،
انا المصرى كريم العنصرين..فقدت العقل والصوت والايدين... وبعد ما كنت نجده وروح ووقفه
مانيش عارفنسيت دا كله فين...مين اللى سلبنى اسمى مين؟؟ انا المصرى كريمالعنصرين،،،
انا المصرى....كريم العنصرين.. سليل المخلصين ... المؤمنين...وحامى الامه فى وقت الشدايد
وشقاق السكك للواردين..ودمى ملك ليكم اجمعين...انا المصرى كريم العنصرين،،،